Хэвлийн гялтангийн түгээмэл үрэвсэл, гэдэсний түгжрэх өвчнүүдийн хүндэрсэн үед нарийн гэдэс хаймсуурдах аргыг сонгох, түүнийг боловсронгуй болгох нь
Салбар : Анагаах ухаан, эрүүл мэндийн шинжлэх ухаан
Улсын дугаар : 860
Хамгаалсан он : 1997
Түлхүүр үг : гэдэс хаймсуурдах арга, гэдэсний гогцоо, түгжрэл, гялтантас, хэвлийн хөндий
Аннотаци
Хэвлийн түгээмэл үрэвсэл гэдэсний түгжрэлийн үед мэс заслын эмчилгээний олон аргуудын дотроос гэдсийг хаймсуурдах аргыг судалж сонгон аргачлалыг боловсруулсан. Нарийн гэдсийг тайрч "Y" хэлбэрийн залгаа хийж түүгээр хаймсуурдах аргыг боловсруулж хэрэгжүүлэв. Гэдэсний саажилтын зэрэг, эмгэгийн байрлал, гэдэс тайрагдах шаардлагатай эсэхээс хамаарч "Y" хэлбэрийн залгалтыг нарийн гэдэсний дээд, дунд, доод хэсгүүдэд хийж хэлбэр тус бүрийн ололттой болон дутагдалтай талуудыг судалж тогтоон бусад аргуудтай харьцуулан судлав. Зориулалтын гуурс ховроос шалтгаалан гэдсийг хаймсуурдахдаа хос гуурсыг өөрсдийн боломжийг ашиглан дуслын системийн гуурсаар шинээр санаачлан хийж бэлтгэх аргачлалыг бичиж амьдралд хэрэглэсэн нь олдоц сайтай, хийхэд хялбар, зардал бага гардаг үр дүн сайтай санаачлага болсон юм. Гэдсэнд гоожуурга тавих олон төрлийн аргуудаас аль эмгэгийнх нь үед ямар төрлийн хаймсуурдах аргыг сонгон авах, хаймсуурдах мэс заслын зарим техникийн асуудлууд, гэдэсний саажилтын зэргийг үнэлэх, арга тус бүрийн ололттой болон дутагдалтай талууд, гэдсэнд тавих гуурсыг арчлах, түүгээр хооллох зарчим, гэдсэнд зориутаар үүсгэсэн цоргыг түр болон бүрэн бөглөх асуудлыг шийдсэндп бидний судалгааны ажлын ач холбогдол оршино.
Зохиогч
