Улаанбаатар хотын тухайн жилийн газар зохион байгуулалтын төлөвлөгөөний аргачлалыг боловсронгуй болгох асуудал
Салбар : Хөдөө аж ахуйн (ХАА) шинжлэх ухаан
Улсын дугаар : 2537
Хамгаалсан он : 2010
Түлхүүр үг : математик загварчлал, ашиглалт, кадастр, хэрэгсэл, мэдээллийн систем
Аннотаци
Газарзүйн мэдээллийн системийг ашиглан математик загварчлал буюу “GIS modeling” загвар үүсгэх, боловсруулах хэсэг нь шийдвэрийг дэмжих системийн үндсэн гол систем бөгөөд дээрх шалгууруудыг харгалзуулан бүхий л мэдээллүүдээр загварчлал бий болгоно. Мэдээлэл, шалгуур үзүүлэлт дээр үндэслэсэн загварчлалууд нь хэрэглэгч, шийдвэр гаргагчдад тодорхой бодит үр дүнг гарган харуулах боломжтой болох юм.
Газар зохион байгуулалтын төлөвлөгөө боловсруулах аргачлал болон бидний авч ашигласан ISO 19115 стандартад заасан проекцыг тус ажилд ашигласан юм. Олон улсын стандарт нь газарзүйн мэдээллийн чиглэлээр нийтлэг зориулалтаар ашиглаж болох мета өгөгдлийг тодорхойлсон болно. Газарзүйн өгөгдлийн, газарзүйн мэдээллийн үйлчилгээтэй холбоотой мета өгөгдлийн талаар ISO 19100 серийн олон улсын стандартад дэлгэрэнгүй тусгасан байдаг.
Судалгааны обьектоор Нийслэлийн нутаг дэвсгэрийг сонгон авч нийт нутаг дэвсгэрийг хамруулан газрын харилцаа, газрын эрх зүй, газрын кадастр, газрын төлөвлөлтийн өнөөгийн тулгамдсан асуудлыг судлан нэгтгэн дүгнэж тус судалгааны обьектод хот суурины газар зохион байгуулалтын асуудлыг шийдвэрлэхэд судалгааны зорилтыг хандуулж, нийслэлийн 2009 оны газар зохион байгуулалтын төлөвлөгөөг боловсруулахдаа гарсан үр дүнг харгалзан үзээд GIS analysis болон Gap assessment хэрэгслийг ашиглан үйлчилгээний хүрээг тэлэх боломжийг тогтоолоо.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0
