Торомны ноосны бэлтгэл, анхан шатны технологийн судалгаа, боловсруулалт
Салбар : Инженерийн ухаан, технологи
Улсын дугаар : 3806
Хамгаалсан он : 2018
Түлхүүр үг : Торомны ноосыг самнах, кальци, магни, рН, ноосны тослог, тоосжилт
Аннотаци
Торомны ноос нь бүтэц, шинж чанараараа ямааны ноолууртай ижил төстэй
15.6-
16.8 мкм-ийн нарийнтай болохыг судлаачид тодорхойлсон байдаг. Гэвч түүний боловсруулах технологийн асуудал бүрэн шийдэгдээгүйгээс энэхүү онцлог түүхий эд зах зээл дээр өндөр үнэ хүрэх боломж дутмаг байна. Учир нь нэг талаас торомны ноосыг тэмээний ноос гэдэг далбаан дор авч үзэж байгаатай, нөгөө талаас түүний бэлтгэлийн болон боловсруулах технологийг тусгайлан авч үзэж байгаагүйтэй холбоотой.
Өнөөгийн байдлаар угааж, цэвэрлэсэн тором, тэмээний ноосноос эрдэс элемент нь бүрэн салаагүйгээс хялгас ялгах дамжлагад ихээхэн хэмжээний тоосжилт үүсгэж, ажиллагсдын хөдөлмөрийн нөхцөлийг хүндрүүлэхийн зэрэгцээ, тоног төхөөрөмжийн араа шүдийг эвдэж, гэмтээх явдал элбэг тохиолддог байна. Мөн хувцас, бэлэн бүтээгдэхүүнээс зунгагны эвгүй үнэр гарч, хэрэглэгчдэд таагүй байдал бий болгодог.
Иймд торомны ноосны бохирдлын онцлогт тохирсон угаах технологийг судлах, түүний ширхэгтийн зөөлөн чанарыг алдагдуулахгүй боловсруулах нь нэн чухал юм.Энэхүү судалгааны ажлын хүрээнд торомны ноосны онцлогт харгалзан бэлтгэлийн болон анхан шатны угаах технологийг сайжруулах судалгаа, туршилтын ажлуудыг явууллаа.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0
