Диссертаци нь удиртгал, 5 бүлэг, нэгтгэсэн дүгнэлт, ашигласан хэвлэлийн жагсаалт, хавсралтаас бүрдэнэ. Нийт 152 хуудас бичиглэл, 3 хавсралттай. Удиртгалд ажлын үндэслэл, зорилго, зорилт, шинэлэг тал, практик ач холбогдол, хамгаалахаар дэвшүүлсэн зүйлс зэргийг тусгасан болно. нэгдүгээр бүлэгт чаналгын гурилан бүтээгдэхүүн үйлдвэрлэлийн орчин үеийн байдал, үндсэн түүхий эдийн үндсэн шинж чанарын онолын судалгааны үр дүн, 2-р бүлэгт чаналгын гурилан бүтээгдэхүүний технологийн процессыг судлах онолын үндэслэл, арга зүй боловсруулсан. 3-р бүлэгт "боорцог" үйлдвэрлэлийн технологийн горимын өөрчлөлтийг үргэлжилсэн ажиллагаатай чаналгын аппаратад явуулсан судалгааны ажлын үр дүнг тусгасан. 4-р бүлэгт чаналгын аппаратын оновчтой горим тогтоосон ажлын үр дүн, 5-р бүлэгт судалгааны математик боловсруулалтын үр дүн, оновчлол, эдийн засгийн үр ашгийн тооцоо, зөвлөмж, гурилан бүтээгдэхүүн үйлдвэрлэх урсгал шугамын схемийг харуулсан болно.