Монгол улсын цаг уур, газар нутаг, эдийн засгийн нөхцөл байдалд тохируулан цахилгаан шугам сүлжээний хэмжигдэхүүнийг оновчтой сонгох аргачлалыг боловсруулсан. Уг аргачлалыг боловсруулахын тулд хүчдэлийн зөвшөөрөгдөх алдагдлаар хязгаарласн цахилгаан сүлжээний эдийн засаг математикийн загварыг анх удаа зохиосон. Энэ загварыг төсөөллийн онол, үнэлгээний программчлалын арга ба системтэй хандах онолын аргаар бодож шийд гаргасан. Үүний үр дүнд дамжуулагчийн хөндлөн огтлолын талбай, трансформаторын тогтоогдох чадал сүлжээний тогтоогдсон хүчдэлийг сөнөөх, үйлчлэх радиусыг тодорхойлох томъёонуудыг шинээр гаргасан. Энэ томъёонуудыг практикт хэрэглэхэд хялбар болгохын тулд техник эдийн засгийн номограммуудыг байгуулж, ашиглах аргачлалыг боловсруулсан. Энэ аргачлалаар шинээр барих, өргөтгөл хийх цахилгаан шугам сүлжээний төслийг зохиож болно. Мөн цахилгаан шугам сүлжээний тоног төхөөрөмжийн стандарт, нормативуудыг тогтоох онолын үндэс болно. Үүний үр дүнд цахилгаан шугам сүлжээний цахилгаан дамжуулах шугам, дэд станцыг барих өртгийг 3 гаруй дахин бууруулах боломжтой болно.