Монгол Улсад илрүүлсэн хүний риновирүсийн молекул генетикийн онцлог
Салбар : Анагаах ухаан, эрүүл мэндийн шинжлэх ухаан
Улсын дугаар : 3204
Хамгаалсан он : 2015
Түлхүүр үг : Вирүс, генотип, пгу, сиквенс, филогенетик
Аннотаци
Манай улсад 2008-2013 онд хийсэн судалгаагаар нийт амьсгалын замын өвчлөлийн
11.6% (354/3041) нь ХРВ-ийн шалтгаантай байна. Энэ вирүс манай улсын хүн амын дунд бүтэн жилийн турш орчилд байгаа хэдий ч нас (p=
0.001) болон улирлаас (p=
0.01) хамааран бага насны хүүхдэд (0-4 нас) хамгийн их тархаж, өвчлөл намрын улиралд (9-10 сар) оргил үедээ хүрч байна.
Манай улсын хүн амын дунд тархан өвчлөл үүсгэж буй ХРВ-ийн 62(
44.6%) ХРВ-А, 10(
7.2%) ХРВ-B, 63(
45.3%) ХРВ-C бүлэгт хамаарч байна. Дэлхий дахинд ХРВ-т халдварын дийлэнх хувийг ХРВ-А бүлэг бүрдүүлж багахан хувийг ХРВ-В бүлэг эзэлдэг хэмээн үздэг. Харин сүүлийн үеийн зарим судалгаагаар ХРВ-С бүлэг давамгайлан илрэх болоод байгаа тухай өгүүлж буй бөгөөд үүнийг ХРВ-С бүлгийн эрчимтэй өсөн нэмэгдэж буй шинэ генотип болон рекомбинант омогтой холбон тайлбарлаж байна. Манай Улсад ч мөн адил цаашид ХРВ-С бүлгийн тархалт нэмэгдэж болзошгүй юм.
Бид судалгааны явцад ХРВ-А-ийн 33 генотипийн 68 омог, ХРВ-В-ийн 6 генотипийн 10 омог, ХРВ-С-ийн 27 генотипийн 57 омог нийт 66 генотипийн 135 омог илрүүллээ. Харин ХРВ-А хувьд А12, А46, болон А80 генотип, ХРВ-В-ийн В52 болон В86 генотип, ХРВ-С-ийн С5, С2 болон С4 генотип хамгийн их тохиолдож байна. Ер нь Ази тивийн хувьд А12, В69, С2 генотипийг хамгийн их тархалттай байдаг хэмээн үздэг.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0
