Хүн амын дунд зонхилон тохиолддог зарим эмгэгүүдийн үед Отгонтэнгэрийн рашааны үзүүлэх эмчилгээний идэвхийг сорил туршилтын болон эмнэл зүйн нөхцөлд үйлдлийн нарийн механизмтай нь холбон судлахад энэ ажлын гол зорилго оршино.
Судалгааны зорилго, зорилтуудтай нийцүүлэн эрүүл мэндийн судалгааны загварууд болох баримтын болон бичиглэлийн (дескриптив) судалгааны загварууд, лабораторийн сорил туршилт судалгааны загварууд, эмнэл зүйн судалгааны загваруудыг ашиглан хийж гүйцэтгэлээ.
Отгонтэнгэрийн рашаан сувилалд 1954-2010 онуудад эмчлүүлэгсдийн өвчний түүх, тусламж үйлчилгээний талаарх тайлан, статистик мэдээнд тулгуурлан дескриптив судалгааны загвараар явууллаа.
Лабораторийн сорилт туршилтын загвараар Вистар үүлдрийн 134 цагаан харханд, 50 толгой цагаан хулгана дээр явууллаа. Эмнэл зүйн туршилт судалгааг Отгонтэнгэр рашаан сувилалд 2010 онд эмчлүүлэгсдээс зориудын түүвэрлэлтийн аргаар сонгосон элэгний архаг үрэвсэл, бөөрний тэвшинцрийн архаг үрэвсэл онош бүхий нийт 60 тохиолдолд таниулсан зөвшөөрлийн хуудсаар зөвшөөрөл авч рашаан эмчилгээний үр дүнг судаллаа.
Боловсролын доктор(PhD)
Бүтээлийн тоо : 1
Ишлэгдсэн тоо : 0