Дарьганга дууг монгол ардын дууны нэг төрөл зүйл болохын нь хувьд урлаг судлал, аман зохиол талаас нь судалсан материал цөөнгүй байдаг хэдий ч соёл судлал, тэр дундаа хэлний соёл судлалын үүднээс тухайлбал хэл-соёлын харилцан нөлөөлийн нь хувьд судалсан цэгцтэй судалгаа одоогоор үгүйлэгдэж байгаа юм. Дарьганга ардын дууны сэдэв, утга агуулга, ая дан, үг хэллэгийн онцлогийг дарьганга ястны соёл, зан заншил, амьдралын хэв маяг түүний бүрэлдэн төлөвшсөн орчин, хөгжлийн зүй тогтол, хувьсал өөрчлөлттэй нь холбон авч үзэхийг эрмэлзсэнд уг ажлын шинэлэг тал оршино.