Жижиглэн худалдааны цэг салбарын байршлыг оновчтой тогтоох арга зам
Салбар : Нийгмийн шинжлэх ухаан
Улсын дугаар : 2726
Хамгаалсан он : 2012
Түлхүүр үг : Жижиглэн худалдааны байршлын онол, арга зүй, жижиглэн худалдааны таталцлын загвар, байршилд нөлөөлөх хүчин зүйлс, монголын жижиглэн худалдааны цэг салбарын хэв маяг, бүтэц, тогтолцоо, газар зүйн мэдээллийн систем
Аннотаци
Аливаа байгууллага бүхий л оршин тогтнох хугацааныхаа туршид цөөн, магадгүй ганц удаа гаргадаг шийдвэр бол байршлын шийдвэр бөгөөд энэ нь байгууллагын хөгжлийн ирээдүйн чиг хандлагыг тодорхойлоход чухал нөлөө үзүүлдэг.
Жижиглэн худалдааны газрын байршил бол борлуулалтын үйл ажиллагааны цар хүрээг өргөжүүлж, улмаар үйлчлүүлэгчдийн тоо, ашиг орлогоо нэмэгдүүлэн, өрсөлдөөнд давуу тал олж авахад нөлөөлөх чухал хүчин зүйл болдог.
Хэрэглэгчид дэлгүүрээс бараа худалдан авахдаа өөрийн тохиромжтой цаг хугацаа, байршлыг тогтоож, үйлчлүүлэх дэлгүүрээ өөрсдөө сонгодог учраас тав тухтай орчинд сонголттой олон нэр төрлийн барааг бүрдүүлэн, хүрэлцэн очиход саадгүй байх нөхцлийг бүрдүүлэх нь õýðýãëýã÷èéã òàòàõ õàìãèéí чухал õýðýãñýë гэж үзэж байна. Ийм нөхцөлд худалдааны бизнес эрхлэгчид цэг салбарынхаа байршлыг оновчтой тогтоох үндсэн дээр зорилтот хэрэглэгчдийн хүссэн газарт, хэрэгцээт бараа, үйлчилгээг нь түргэн шуурхай хүргэж, тэдний зарцуулах цаг хугацаа, зардлыг хэмнэн, үр ашигтай харилцаа бүхий маркетингийг хэрэгжүүлэх нь зайлшгүй чухал юм. Энэхүү нэгэн сэдэвт бүтээлийн үндсэн зорилго бол Монголын нөхцөлд жижиглэн худалдааны цэг салбарын байршлыг оновчтой тогтоох асуудлыг холбогдох онол, арга зүйд тулгуурлан судалж, боломжит арга замыг тодорхойлоход чиглэсэн.
Зохиогч
