Гелийн атомын үндсэн ба өдөөгдсөн төлөвөөс явагдах фотоиончлолыг судалж, дараах үр дүнг гаргалаа. Гелийн атомын иончлолын нэг, хоёрдугаар босгын хооронд фотоэлектроны энергийн спектрийн өргөн мужид өдөөгдсөн атомын фотоиончлолын тодорхойлогчдыг гарган авсан. Дискрет төлөвүүд дэх электронуудын корреляцыг тооцоолоход гол үүрэг гүйцэтгэх тодорхой конфигурациудыг олж тогтоосон. Энергийн өргөн муж эзэлсэн резонансын огтлолд гол утгаарх интегральтай холбоотой засвар болон зэргэлдээх АИР-дын үзүүлэх нөлөөг үнэлсэн.