Монгол орны нөхцөлд тохирсон өртөг багатай хэрэглээний цөмийн физикийн бааз байгуулан эх орны геологи, геохимийн судалгаанд болон янз бүрийн хүдрийн биетийн найрлагад байгаа үндсэн болон дагалдах элементүүдийг атом, цөмийн физикийн аргаар тодорхойлох арга боловсруулж, хэрэглэхэд уг судалгааны ажлын зорилго оршино.
Энэхүү зорилгыг биелүүлэхийн тулд дараах зорилтуудыг дэвшүүлсэн болно.
- Идэвхжлийн аргаар хайлуур жоншны хүдрийн найрлага судлах төхөөрөмж зохион бүтээж, хэрэглэх хүрээг тогтоох;
-Цөөн стандарт загварын дээж ашиглан элемент хоорондын харилцан нөлөөг тооцоолон гаргаж боловсруулсан рентген флуоресценцийнийн аргын хэрэглэгдэх хүрээг тодорхойлох;
-Төрөл бүрийн хүдэр, тэдгээрийн баяжмалд агууламжийн өргөн мужид тоон шинжилгээ хийх рентген флуоресценцийн цогц арга боловсруулах;
-Олон элементийг нэгэн зэрэг тодорхойлох хурд сайтай, үнэ өртөг багатай, цацрагийн аюулгүй, рентген флуоресценцийн шинжилгээний аргыг боловсруулан үйлдвэрлэлд нэвтрүүлэн, геологийн дээжинд богино хугацаанд хангалттай нарийвчлалтай шинжилгээ хийн хөдөлмрийн бүтээмжийг өсгөн нүсэр ажиллагаатай сонгомол аргуудыг орлуулан хэрэглэхэд оршино.