Өндөр температурын нөхцөлд машины зарим эд ангийн элэгдлийн судалгаа (Гулсах холхивчны жишээн дээр)
Салбар : Инженерийн ухаан, технологи
Улсын дугаар : 3275
Хамгаалсан он : 2015
Түлхүүр үг : Тосолгооны хатуу материал, гадаргуугийн шинжилгээ, хөнгөн цагаант хүрэл, тоон шинжилгээний арга, молибдены триоксид
Аннотаци
Гулсах холхивчны үрэлт, элэгдлийн процессыг өндөр температурын орчинд судлах, харьцалтын гадаргууд бүрхүүл тогтоох аргыг ашиглан элэгдэл бууруулах нь судалгааны ажлын зорилго юм. Судалгааны ажлын үр дүнг ашиглан гулсах холхивч дээр хатуу тосолгоог температурын өөрчлөлтийн илүү өргөн хүрээнд хэрэглэх боломж үүснэ. Өндөр температурын орчинд хуурай үрэлттэй нөхцөлд ажилладаг, шингэн тосолгоог ашиглах боломжгүй гулсах холхивч, эд ангийн элэгдлийг бууруулахад хатуу тосолгооны материалыг хэрэглэх боломжтой. Өмнө ашиглаж байсан ихэнхи хуурай тосолгооны материалууд нь 250ºС-ийн температураас эхлэн хүчилтөрөгчтэй исэлдэж тослох шинж чанараа түргэн алддаг байсан учир түүний хэрэглээ хязгаарлагдаж байсан. Иймд өндөр температурын нөхцөлд хатуу тосолгооны материалын тослох шинж чанарыг судласнаар хатуу тосолгооны материалын хэрэглээг нэмэгдүүлэх, тэдгээрийг өргөн хүрээнд ашиглах боломжтой болно. Хуурай үрэлтэнд өндөр температурын үзүүлэх нөлөөг судалсан дүнг ашиглан гулсах холхивчны найдварт ажиллагааг үнэлнэ.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0
