Ургамлын гаралтай дархлаа нөлөөт бэлдмэлийн технологи, чанарын судалгаа
Салбар : Анагаах ухаан, эрүүл мэндийн шинжлэх ухаан
Улсын дугаар : 3358
Хамгаалсан он : 2016
Түлхүүр үг : Шинэсэрхүү бударгана, Өндөр зоосон цэцэг
Аннотаци
Шинэсэрхүү бударгана (Salsola laricifolia Turcz.ex Litv), Өндөр зоосон цэцэг (Inula helenium L.)-ийн нийлмэл бүрэлдэхүүн нь дархлаа нөлөөт үйлдлээр давуу болохыг тогтоосны үндсэнд цаашдын судалгааны үндсэн хэрэглэгдэхүүн болгон сонгон авлаа. Энэхүү ургамлын нийлмэл бүрхэлдэхүүнд инулин
31.4±1.8%, нийлбэр флавоноид
2.6±
0.03%, кумарин
0.13±
0.01%, алантолактон
0.3±
0.002%, изоалантолактон
0.26±
0.003% тус тус агуулагдаж байгааг тогтоосон юм. Шинэсэрхүү бударгана (Salsola laricifolia Turcz.ex Litv), Өндөр зоосон цэцэг (Inula helenium L.)-ийн түүхий эдээс өтгөн ханд гарган авч, нэг капсулд кумарин 1.5 мг-аас багагүй, инулин 50 мг-аас багагүй агуулагдаж байхаар тооцоолж, мөхлөгийн дүүргэгч бодисоор лактоз, холбогч бодисоор 2% поливинилпирролидоны (ПВП) уусмал, гулсуулах, тослох бодисоор тальк 3%, магнийн стеарат 1%-иар тус бүр авч чийгтэй мөхлөгжүүллээ. Капсултай бэлдмэл гарган авч, Инусал гэж нэрлэн, технологийг боловсруулан улмаар түүний чанарын үзүүлэлтүүдийг судлан тогтоов.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0
