Хэнтий хангайн ойн туурайтан амьтны экологи агнуурын ач холбогдлын зарим асуудал
Салбар : Байгалийн шинжлэх ухаан
Улсын дугаар : 99
Хамгаалсан он : 1977
Түлхүүр үг : бор гөрөөс, хүдэр, хандгай, зэрлэг гахай, буга, тархац, улирлын байршил, хоногийн хөдөлгөөн, тоо толгойн байдал,
Аннотаци
Хэнтий, Хангайн уулархаг мужид 1965-1975 онд 16 удаа бүх улирлыг хамарсан явуул ба суурин судалгаа хийлээ. Судалгаа мужын ихэнх нутаг, байгалийн бүх бүслүүрийг хамрав. Маршрутын нийт урт 36 000 км боллоо. Энэ хугацаанд янз бүрийн нас хүйсний 63 буга, 31 бор гөрөөс, 19 хүдэр, 10 хандгай, 32 зэрлэг гахай агнаж судалснаас мөн дарааллаар 41, 19, 13, 9, 21 нь Хэнтийд хамаарна.Байгалийн нөхцөлд янз бүрийн улиралд 336 сүрэг 1828 буга, 187 сүрэг 678 бор гөрөөс, 170 хүдэр, 55 сүрэг 81 хандгай, 68 сүрэг 318 зэрлэг гахай буюу нийт 826 сүрэг 3100 гаруй толгой туурайтныг ажиглан судалсан.Энэ нь тархац, улирлын байршил, хоногийн хөдөлгөөн, тоо толгойн байдал, сүрэглэл, үржил, нас хүйсний харьцаа, зан төрхийн судалгааны үндсэн материал болсон.
Зохиогч
