Уг зохиол удиртгал, үндсэн гурван бүлэгтэй. Үүнд: Удиртгалд, монгол хэлний олон утгат үгийг судлах болсны учир, судалгааны арга зүй, ач холбогдол зэргийг дурдаад, монгол хэлний олон утгат үгийг судалсан судалгааны тоймыг гаргаж дүгнэлт хийсэн болно. Нэгдүгээр бүлэгт, Олон утгат үгийн хэлшинжлэлийн ерөнхий ойлголт, олон утгат үг үүсэх арга зам, үгийн түүхэн шинжийн тухай өгүүлсэн. Хоёрдугаар бүлэгт: Монгол хэлний олон утгат нэр үгийн бүтэц, утга, үүргийг хэрэглэгдэх байдлаар нь ангилав. Гуравдугаар бүлэгт: Монгол хэлний олон утгат үйл үгийн гүйцэтгэх үүрэг, хэрэглэгдэж буй хэв шинж, найруулгын ач холбогдол, сэтгэхүйн онцлог, илэрч буй байдал, хэрэглээ, давтамжийг тодорхойлон гаргахыг хичээлээ. Дотоод, гадаадын 100 шахам ном, товхимол, эрдэм шинжилгээний нэг сэдэвт зохиол, өгүүлэлийг уншиж ашиглав.