XX зууны 90-ээд он хүртэлх хугацаанд шашны тухай асуудал манай орны нийгэм судлаачдын бүтээлд гол төлөв түүхчилсэн ба шүүмжлэлт талаасаа судлагдаж ирсэн. Харин тусгайлан судалгааны объект болох хувьдаа харьцангуй бага судлагдсан гэж хэлэх үндэстэй. Тэр үед шашны түүх, үзэл онолыг атеист байр сууринаас авч үздэг байсан нь ойлгомжтой. Гэхдээ тийм монист байр сууринаас хүмүүсийн ахуй, ухамсар дахь шашин шүтлэгийн илрэл, шинж чанар, шалтгаан нөхцлийг социологийн тодорхой судалгаа шинжилгээний аргаар судлан шинжилж байсан. Энэ нь манай оронд шашны социологи үүсэн хөгжихөд хүргэжээ. Мөн Монгол дахь буддын шашны түүх, онол сургаалынх нь чиглэлээр хийгдсэн судалгаа томоохон байр суурь эзэлж байв. Ийм ажиллагаа хэдийгээр нэг сургаалын үүднээс хэрэгжиж байсан ч гэсэн буддын соёлтой хүн ам танилцах нэг шижим болж байжээ.
Боловсролын доктор(PhD)
Бүтээлийн тоо : 1
Ишлэгдсэн тоо : 0