0-16 насны Монгол хүүхдийн зүрхний цусан хангамжийн хэлбэр, титмэн судасны үндсэн салааны ургалт, тархалт, ялгарлыг судлах асуудалд
Салбар : Анагаах ухаан, эрүүл мэндийн шинжлэх ухаан
Улсын дугаар : 2360
Хамгаалсан он : 2008
Түлхүүр үг : Титмэн судас, үелэл, титмэн судасны цутгалага, уян мембран.
Аннотаци
Судалгааны ажил нь Монгол хэлээр бичсэн 129 хуудас бүхий, 28 хүснэгт, 49 зураг багтаасан бүтээл болно. Энэхүү бүтээл нь удиртгал, хэвлэлийн тойм, судалгааны арга зүй, судалгааны ажлын үр дүн, дүгнэлт, практик зөвлөмж, сэдэвтэй холбогдуулан хэвлүүлсэн материалууд, товчилсон үгс зэрэг хэсгүүдээс бүтнэ.
1.3-16 насанд нас бие гүйцсэн хүний зүрхэн дээр тодорхойлогддог зүүн, зүүн давамгайлсан, баруун, баруун давамгайлсан, жигд гэсэн 5 хэлбэр аажим бүрэлдэж байна.
2.4-16 насанд зүрхний титмэн артериуд тэдгээрийн үндсэн салааны үелэлүүдийн урт хажуугийн салааны тоо харьцангуй тогтвортой тоон харьцаанд хэлбэлзэж байна.
3.Нярай хүүхдийн зүрхний титмэн артерийн үндсэн салааны үелэлүүдийн ханын эдийн бүтцийг тодорхойлоход титмэн артерийн аль ч үелэлд эдгээр судасны хананд дотор уян мембран тодорхойлогдохгүй байна.
4.Насанд хүрсэн Монгол хүнд тодорхойлогддог зүрхний цусан хангамжийн таван хэлбэр (зүүн, зүүн давамгайлсан, баруун, баруун давамгайлсан, жигд) өсвөр насны хүүхдийн зүрхэн дээр бүрэн хэмжээгээр илэрч зүрхний баруун, зүүн титмэн артери тэдгээрийн салааны бүтэц хэмжил зүйн үзүүлэлт тэнцвэрт харьцаанд орж байна.
Зохиогч
