Судалгааны ажлын шинэлэг тал, онолын ач холбогдол
- Триорганилсилил-халагдсан карбон хүчлийн эфир, ароил, ароксицууны хүчлийн цахиурорганик эфир, амид зэрэг шинэ төрлийн цахиурорганик нэгдлүүдийг нийлэгжүүлэн гаргах арга зүйг анх удаа боловсруулж тэдгээрийн стереоэлектроны бүтэц, физик-химийн шинж, хоруу чанар, зарим нэгдлийн биологийн идэвхийг судлан тогтоосон.
- Нийлэгжүүлэн гаргасан цахиурорганик эфир амидын химийн идэвхийг гидролизын урвал болон гурван фторт борын эфират, алканоламинууд, мочевин, тиомочевин, борын хүчил зэрэг урвалжуудтай харилцан үйлчлэх байдлаар судалж урвалын дүнд үүссэн шинэ нэгдлүүдийг УФ-, ИК-, 1Н, 13С, 19F, 29SI - ЦСР, масс-спектроскопийн аргуудаар шинжилж бүтцийг нь бүрэн баталлаа.
- N-(3-трифторсилилпропил)амидын молекулд цахиурын атом молекул дотоодын харилцан үйлчлэлд орж С=О—►Si гэсэн цагираг бүтэц үүсгэн пентакоординацид байгаа нь түүний ИК- ба ЦСР-ийн спеюрүүдээр бүрэн батлагдаж байна.
- Далайн ногоон замаг (Alga Spirulina Maxima)-aac хлорофилл-А (метилфеофорбид-а)-г ялгаж порфириний цагиргийн 2-р байрлалд енедииний хромофор бүлэг суулгах 10 шатат синтезийг явуулж эцсийн ба завсрын шатны бүтээгдэхүүнүүдийн бүтэц байгуулалтыг нь баталснаар энэ төрлийн нэгдлийг нийлэгжүүлэх арга зүйг эзэмшлээ.
- Монголын Тамсагбулаг, Зүүнбаянгийн ордын нефтийн физик-химийн ерөнхий шинж, фракцийн бүрэлдэхүүн, нүүрсустөрөгчдийн бүлгийн болон нүүрсустөрөгч нэг бүрийн судалгааг явууллаа.
Шинжлэх ухааны доктор(ScD)
Бүтээлийн тоо : 5
Ишлэгдсэн тоо : 0