Монгол улсын зочид буудлын үйлчилгээний чанарыг үнэлэх нь
Салбар : Нийгмийн шинжлэх ухаан
Улсын дугаар : 3538
Хамгаалсан он : 2017
Түлхүүр үг : Монгол улсын зочид буудлын үйлчилгээний чанарыг үнэлэх нь
Аннотаци
Монгол улсын хэмжээнд аялал жуулчлалын салбар нь эдийн засгийн өндөр өгөөжтэй, хурдацтай хөгжиж байгаа үйлчилгээний салбар юм. Иймд аялал жуулчлалын салбарын үйлчилгээний чанарыг илүү сайжруулах нь нэн чухал хэмээн төрийн бодлогын бүх шатанд дүгнэж байна.
Энэхүү судалгааны ажлын зорилго нь Монгол Улсын дээд зэрэглэлтэй зочид буудлуудын үйлчилгээний чанарыг үйлчлүүлэгчдийн сэтгэл ханамжид тулгуурлан олон улсын жишиг загвараар үнэлэн цаашид үйлчилгээний чанарыг сайжруулах арга замын талаар санал дэвшүүлэхэд оршино.
Нэгдүгээр бүлэгтээ үйлчилгээний чанар, зочид буудлын онол арга зүйн үзэл баримтлал, үйлчилгээний чанарыг үнэлэх маркетингийн загваруудыг тоймлон судаллаа. Хоёрдугаар бүлэгтээ Монголын дээд зэрэглэлтэй зочид буудлын үйлчилгээний зах зээлийн өнөөгийн байдал, зочид буудлын зэрэглэл тогтоох систем, үйлчилгээний чанарын талаарх үйлчлүүлэгчдийн үнэлгээний байдлыг судалсан ба Гуравдугаар бүлэгтээ Монголын дээд зэрэглэлтэй зочид буудлуудын үйлчлүүлэгчдийн сэтгэл ханамжийн индексээр үйлчилгээний чанарыг харьцуулан үнэлж,чанарын зөрүүний загварыг шинэчлэн боловсруулж чанарыг сайжруулах арга замыг тодорхойлсон болно.
Бүтээлийн онол арга зүйн үндэс нь үйлчилгээний чанарыг хэмжих АНУ-ын эрдэмтэн Парасурамен, Берри, Зейтхам нарын SERVQUAL арга, үйлчилгээний чанарын зөрүүний GAP загвар болно.
Судалгааны үр дүнгээс зочид буудлын үйлчилгээ нийлүүлэгчийн зөрүү 6,7 үүссэн ба Монголын дээд зэрэглэлтэй зочид буудлын үйлчилгээний чанарыг үнэлэх загвар бий болж байна.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0
