Диссертацид Зөөлөн, Баруунсайхан,Мандал-Овоогийн районы давхрагазүйн ангилал хийж, шинээр 8 давхарга ялган, хурдсын насыг тогтоосон. Өмнөд Монголын Герциний бүсийн геологийн формацын ангилал хийн, анхны нэгдсэн бүдүүвчийн загвар боловсруулж, 8 төрлийн формаци ялгасан. Энэ ажлын үр дүнд герцинын бүсийн чулуун мандал бүрэлдэн тогтоход хэвтээ чиглэлт хөдөлгөөн онцгой нөлөөлснийг нотолж, чулуулаг бүрхэвч бүрэлдэн тогтсон үндсэн 4 үе тогтоож, хурдас хуримтлалын эртний далайн ёроолын газар зүйн орчныг тодорхойлсон. Ялгасан геологийн гол формац, бүрхэвч бүрэлдэн тогтсон тогтол зүй /тектоник/ түүхэн хөгжлийн шилжилтийн ба эх газаршилтийн үндсэн хоёр үеийн хүдэржилтийн онцлогийг тодруулж, металлогенийн регональ мужлал хийж, шатах ашигт малтмал, чулуун нүүрсний сав газар ялгаж, нефть, шатдаг хий үүсч бүрэлдсэн эртний геологийн орчин, боломжийн талаар анхны санаа дэвшүүлсэн