Олон жилийн онолын суурь судалгаанийхаа ажлыг Монгол оронд төдийгүй нийт төв Азийн хээр, цөлийн ландшафтуудад зүйлийн тоо, популяцийн баялагаараа зонхилж байдаг хар цохын овгийн судалгаанд тулгуурлан явуулж, энэ овгийн цохуудын судалгааны талаар дэлхийн шинжлэх ухаанд доривтой хувь нэмэр оруулжээ. Монгол орны нутаг дэвсгэрээс хар цохын овгийн 39 төрөлд хамаарах 161 зүйлийн цохыг илрүүлэн зүйл тус бүрийн гадаад шинж тэмдгийн бичлэгийг хийж ангилал зүй, тархац нутаг, экологи, зоогеографи, гарал үүсэл, байгаль аж ахуйн ач холбогдлын талаар онолын дүгнэлтүүдийг хийсэн байна. Монгол оронд тархсан 39 төрөл хар цохын 4 төрөл нь төрлөөрөө бүхэлдээ зөвхөн Төв Азийн орогномол /эндемик/ болохыг, мөн 161 зүйлийн хар цохын 55 орчим хувь нь Монголын эндемик болохыг баталсан байна.