Ил уурхайн хүрээнд хамаарах чулуулгийн шинж чанар харилцан адилгүйг иш үндэс болгон чулуулгийг бэлтгэх, ухаж ачих, тээвэрлэх, овоолох буюу эсвэл боловсруулах процессуудыг нэгтгэсэн чулуулгийн тодорхой бүс бүрт хамаарах тоног төхөөрөмжийн иж бүрдэл байдлаар авч үзэх нь ач холбогдолтой. Энэхүү байдалд тулгуурлан технологийн ачаа урсгалццдыг процесс бүрт нь тохирох тусгай түвшингүүдэд хуваан, системчилсэн тевшин бүр нь түүний онцлогийг тусгасан элементүүдээс буюу тухайн түвшинд хамаарах машин төхөөрөмжийн үндсэн үүргээс бүрдэнэ. Нэг түвшинг бүрдүүлэгч элементүүд нь нэгтгэгдэх чанараараа холбогдоно. Энэхүү системчлэлийн үндсэн дээр байж болох хувилбаруудын олонлогийг бүрдүүлэх, ачаа урсгалын оновчтой хувилбаруудын дэд олонлогийн сонголтын аргыг боловсруулахад зориулсан "үүслийн схем"-ийг боловсруулсан.