Монгол үүлдрийн ямааны сүүний бүтэц, технологийн онцлог шинж чанарыг судлан тогтоов. Ямааны сүү нь шар сүүний уургийн агууламж, үл орлогдох аминхүчил, ханаагүй тосны хүчлээр баялаг. Ямааны сүүний бактерицид чанар нь харьцангуй удаан үргэлжилдэг болохыг тогтоов. Ямааны сүүг бифидобактери (B.longum B379M), ацидофилиний савханцрын (L.acidophilus) цэвэр өсгөврөөр хөрөнгөлөн ямааны сүүний эмчилгээ сувилгааны исгэлэн сүүн бүтээгдэхүүний технологи боловсруулав. Ямааны сүүний исгэлэн сүүн бүтээгдэхүүн нь хүчиллэг багатай, нэгэн жигд биет байдалтай, биологийн үнэт чанартай, хадгалалтын хугацаа урттай болохыг судлан тогтоов. Судалгааны үр дүнг үндэслэн ямааны түүхий сүү, ямааны сүүний исгэлэн сүүн бүтээгдэхүүний стандарт боловсруулж, "Илчлэг" исгэлэн сүүн бүтээгдэхүүн үйлдвэрлэх арга, шинэ бүтээлээр патент хамгаалав.
Боловсролын доктор(PhD)
Бүтээлийн тоо : 62
Ишлэгдсэн тоо : 0