Чойр-Нялгын нүүрсний сав газрын талбайд багтдаг Чойрын хотгорын нүүрстэй хурдсын давхарга зүй, литологи, фракцийн найрлага, циклт тогтоц, мөн нүүрсний чанар, петрографийн найрлагыг судлан, анх удаа монголд нүүрсний петрографийн ангилал боловсруулсан болно. Чойрын хотгорт доод цэрдийн цаг үед нүүрстэй хурдас хуримталсан эртний газар зүйн цуврал зураг зохиосон нь энэ төрлийн судалгаанд орчин үеийн аргачлалыг Монголын нүүрсжилтийн судалгаанд нэвтрүүлэн хэрэглэсэн анхны ажил болсон.Цогцолбор судалгааны үндсэн дээр Чойрын нүүрстэй район ялгаж, нүүрсжилтийн хэтийн төлөвийг үнэлсэн байна.