Хүний нөөцийн бүрдүүлэлтийн судалгаа (Төрийн захиргааны байгууллагын жишээн дээр)
Салбар : Нийгмийн шинжлэх ухаан , 5.6 Улс төр судлал
Улсын дугаар : 4099
Хамгаалсан он : 2020
Түлхүүр үг : Төрийн алба, мерит зарчим, мэргэшсэн тогтвортой байдал, эрх зүйн орчин
Аннотаци
Төрийн захиргааны шинжлэх ухаан, хүний нөөцийн менежментийн онолын үзэл баримтлал, хөгжлийн чиг хандлагад тулгуурлан хүний нөөцийн бүрдүүлэлтийг Монгол улсын төрийн захиргааны байгууллагын жишээн дээр судалсан. Уг судалгааны ажлын хүрээнд гадаадын зарим орны туршлага, Монголын төрийн албаны хүний нөөцийн бодлого, бүрдүүлэлтийн эрх зүйн орчин, түүний өөрчлөлт шинэчлэл, төрийн захиргааны байгууллагад хүний нөөцийн бүрдүүлэлт хийж байгаа өнөөгийн байдалд судалгаа хийлээ. Хүний нөөцийн бүрдүүлэлтийн талаарх эрх зүйн орчин бүрдсэн боловч хэрэгжилт хангалтгүй, бүрдүүлэлтэд төрийн захиргааны байгууллагын зохион байгуулалтын бүтцийн тогтворгүй байдал, дээд түвшний удирдах албан тушаалтан бүрэн эрхээ урвуулан ашиглах нь сөрөг нөлөөтэй болох нь судалгаагаар батлагдсан. Судалгаанд үндэслэн төрийн албаны өөрчлөлт шинэчлэлийн үе шатыг шинэчлэн тодорхойлж, хүний нөөцийн бүрдүүлэлтийг боловсронгуй болгохын тулд мерит зарчимд нийцсэн хүний нөөцийн менежментийн тогтолцооны хувилбар, хүний нөөцийн бүрдүүлэлтийг удирдах логик загвар болон үйл явцын загварыг санал болгосон.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0
