Бичвэрээс зураг үүсгэх аргаар жиргээний хандлагыг шинжлэх нь
Салбар : Инженерийн ухаан, технологи , 2.2 Цахилгааны инженерчлэл, Электроникийн инженерчлэл, Мэдээллийн инженерчлэл
Улсын дугаар : 4202
Хамгаалсан он : 2021
Түлхүүр үг : БИЧВЭРЭЭС ЗУРАГ ҮҮСГЭХ АРГА, ХАНДЛАГЫН
Аннотаци
Олон нийтийн сүлжээнд пост, жиргээ, блог зэрэг цахим агуулга нэмэгдэж байгаатай холбогдуулан тухайн нийтлэгчийн үзэл бодол, сэтгэгдлийн хандлагыг эерэг, сөрөг, хэвийн гэж автоматаар ангилах хэрэгцээ үүсэж байна. Автомат систем хэрэглэснээр тухайн цаг үед тодорхой сэдвийн талаар нийгмийн хандлагыг мэдэж бизнес, улс төрийн байгууллага болон хувь хүмүүс үйл ажиллагаагаа үнэлэх, сайжруулах боломж бүрдэнэ. Энэхүү судалгааны ажилд Твиттер дэх жиргээний ерөнхий хандлагыг шинжлэхэд зориулан бичвэрийн онцлог шинж чанарыг багтаасан диаграм зураг үүсгэх шинэ аргыг боловсруулан дэвшүүлсэн. Богино бичвэр буюу жиргээний хандлагыг олохдоо тухайн жиргээний үг бүрийн мэдрэмжийн оноо, үгсийн аймаг, тухайн бичвэрт байрлах байршлын дугаар гэсэн гурван онцлог шинж чанар дээр тулгуурлан бичвэрээс зураг үүсгэх аргыг “Text2Plot” гэж нэрлэсэн ба цэгээр, шулуунаар, муруйгаар дүрсэлсэндиаграм бүхий өнгөт зургуудыг үүсгэдэг. Жиргээний хувьд ижил шинж чанартай зураг болон вектороор дүрслэгдсэн өгөгдлийн олонлогуудыг тус бүрд нь
Конволюшн нейрон сүлжээ, Тулгуурт вектор машин, Рэндом форест аргуудаар ангилан туршихад “Text2Plot” аргаар үүсгэсэн зурган өгөгдлийн олонлог дээр эдгээр ангилагчид Ф1-онооны хувьд
27.2%,
10.3%,
4.4% -аар илүү гүйцэтгэсэн нь энэхүү арга үр дүнтэй болохыг харуулж байна.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0
