Зарим шугаман бус гиперболлог дифференциал тэгшитгэлийн системийг бодох ALE нэг алхамт WENO арга
Салбар : Инженерийн ухаан, технологи , 2.11 Бусад инженерчлэл, технологи
Улсын дугаар : 4247
Хамгаалсан он : 2021
Түлхүүр үг : ТӨГСГӨЛӨГ ЭЗЛЭХҮҮНИЙ АРГА, ТЭНЦВЭРИЙН ХУУЛЬ, ХАДГАЛАГДАХ ХУУЛЬ, ТАСРАЛТТАЙ ГАЛЕРКИНЫ АРГА, НИЛ ОРЧНЫ МЕХАНИК
Аннотаци
Шугаман бус гиперболлог дифференциал тэгшитгэлийн системийг төгсгөлөг эзэлхүүний аргаар орон зай цаг хугацааны хяналтын нүдэнд интеграл хэлбэрт шилжүүлэн урсгалын функцэд торны хурдыг тооцон ашигласан. Ингэхдээ тоон урсгалаар Русановын эсвэл Ошерийн төрлийн урсгалтай харьцуулан туршилтын үр дүнг харуулсан. Шилжилт хийгдэж буй торонд физик хувьсагчдыг тооцооллын муж руу хувиргах изопараметр элементийн аргыг ашиглан хувиргалтын Якобианы тооцоог хийсэн.
Ингэснээр тасралттай Галеркины аргаар цаг хугацааны дараагийн алхамуудыг тодорхойлох алгебрийн шугаман бус тэгшитгэл системийг гарган авсан. Шинэ ALE нэг алхамт WENO арга нь өндөр эрэмбийн нийлэлттэй арга мөн болохыг Эйлерийн шахагдах хийн динамикийн бодлого түүний Риманы анхны нөхцөлтэй бодлогуудад туршин 8-р эрэмбийн, соронзон гидродинамикийн тэгшитгэлд туршин 6-р эрэмбийн нарийвчлалаар харууллаа. Мөн нил орчны механик дахь нэгдүгээр эрэмбийн гиперболлог GPR тэгшитгэлийн шийдийг Ошерийн болон HLLEM төрлийн Риманы гүйцэд бодолтыг ашиглан тооцоолон үзүүллээ. Өөрөөр хэлбэл үл хадгалагдах хувьсагчидтай шугаман бус тэгшитгэлийн системийн төгсгөлөг эзэлхүүний аргын томъёолол, Ошерийн болон HLLEM төрлийн урсгалын функцүүдийг ашигласан гүйцэд Риманы бодолт нь өмнө нь энэ төрлийн бодлогод ашиглагдаж байгаагүй тул илүү шинэлэг ажил болсон юм. Энэ нь цаашид торны шилжилтийн хурдыг тооцоолсон өндөр эрэмбийн ALE нэг алхамт WENO төгсгөлөг эзэлхүүний аргыг \textbf{\cite{DumbserAriunaa}} өргөтгөхөд ихээхэн үр дүнтэй юм.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0
