Уг диссертацийн ажилд "үндэсний " соёл, урлагийг бүтээн цогцлоох үйл явцыг социализмын болон социализмаас хойшхи үеийн нийгэм, улс төрийн хам тогтолцоонд нь нягтлан үзэж, антнропологийн онол аргазүйн үүднээс дүн шинжилгээ хийн тайлбарлахыг гол зорилго болголоо. Ингэхдээ соёлын байгууллын үйл явц дахь урлагийн бүтээл, уран бүтээлчийн оролцоог жишээ болгон жишээ баримт цуглуулсан болно. Цаашлаад нийгмийн өөр өөр цаг үеийн үйл явц, давтамжит үйлдлийн үр дүнд эдүгээ хэвшмэл болсон ойлголт, төсөөлөл, ангилал, шатлалыг эргэн нягтлана. Үүнд, соёл, урлагтай холбогдох “үндэсний”, “ястны”, “угсаатны”, “ардын” гэсэн тодотгол ангилалыг мөн түүхэн болон орчин үеийн нөхцөлд тодорхой хэмжээнд авч үзэх нь судалгааны ажлын зорилтуудын нэг гэж болно. Өнөөгийн Монголын соёл, урлагт социалист байгууллын бодлогын нөлөө тодорхой хэмжээнд хадгалагдсан хэвээр байгаа тул тухайн үеийн бодлого шийдвэр, оролцож явсан хүмүүсийн аман түүхэнд тулгуурлан түүхэн нөхцөл байдлыг тодруулахыг оролдлоо.
Боловсролын доктор(PhD)
Бүтээлийн тоо : 49
Ишлэгдсэн тоо : 0