Амаржих газруудын тусламж үйлчилгээний чанарын менежментийг боловсронгуй болгох зарим асуудалд
Салбар : Анагаах ухаан, эрүүл мэндийн шинжлэх ухаан , 3.5 Бусад анагаах ухаан
Улсын дугаар : 4456
Хамгаалсан он : 2022
Түлхүүр үг : Менежментийн чадамж, эрүүл мэндийн менежмент, сэтгэл ханамж, тусламж, үйлчилгээний чанар
Аннотаци
Олон улсын стандартын байгууллага ISO 9000 тогтолцоог 1980-аад оны сүүлээр боловсруулсан. Анх бизнес, аж үйлдвэрийн салбарт зориулан гаргасан боловч дараа нь эрүүл мэндийн салбарт энэ тогтолцоо хэрэгжсээр байна. Эрүүл мэндийн салбарт ашигладаг гадны үнэлгээний бусад аргуудаас ялгаатай нь ISO 9000 нь үйлчлүүлэгчийн хэрэгцээг хангахаас илүүтэй чанарын тогтолцоо, байгууллага зорилгодоо хэрхэн хүрэхэд чиглэдэг юм. 1995 онд ISO 9000 стандартыг шинэчлэн боловсруулж, ISO 9001 болгон шинэчилсэн байдаг. Манай оронд сүүлийн 30 орчим жилийн туршид бүтээгдэхүүн, үйлчилгээний чанар, нэр төрөл өргөжин хөгжсөөр ирсэн. Үндэсний статистикийн мэдээллээр 100,000 амьд төрөлтөд ногдох эхийн нас баралт 2015 онд
26.0, 2016 онд
48.6, 2017 онд
26.9, 1000 амьд төрөлтөд ногдох нярайн эндэгдэл 2015 онд
10.2, 2016 онд
9.2, 2017 онд
13.6 болж өссөн бол 1000 амьд төрөлтөд ногдох 5-аас доош насныхны эндэгдлийн түвшин 2015 онд
18.3, 2016 онд
20.8, 2017 онд
16.7 байсан. Тогтвортой хөгжлийн үзэл баримтлал 2030-ыг хэрэгжүүлснээр Монгол улсад 100,000 амьд төрөлт тутамд эхийн эндэгдлийн түвшнийг 70-аас доош болгон бууруулах, урьдчилан сэргийлэх боломжтой нялхсын болон 5 хүртэлх насны хүүхдийн эндэгдлийг арилгах, бүх төрлийн ядуурал буурч, монгол хүний эрүүл, урт удаан амьдрах нөхцөл хангагдаж дундаж наслалт 78-д хүрснээр хүний хөгжлийн үзүүлэлтээр тэргүүлдэг улс орнуудын нэг болно гэж Тогтвортой хөгжлийн үзэл баримтлал 2030-д төлөвлөсөн. Тус үзэл баримтлалын 17 зорилгын 3 дахь зорилгод “Эрүүл амьдралыг дэмжих” буюу бүх түвшинд эрүүл амьдралыг хангаж, сайн сайхан аж байдлыг хөхүүлэн дэмжихээр тусгасан байна. Иймээс манай орны хувьд эрүүл мэндийн салбарын тусламж үйл ажиллагаанд чанарын менежментийн тогтолцоог нэвтрүүлэх шаардлага тулгарч байна.
Зорилго
Чанарын менежментийн тогтолцоог нэвтрүүлсэн амаржих газрын туршлага, үр дүнг бусад амаржих газруудтай харьцуулан судалж, загвар боловсруулж, санал болгоход оршино.
Материал ба арга зүй
Судалгаанд Нийслэлийн Амгалан, Өргөө, Хүрээ амаржих газрын ажилтан болон үйлчлүүлэгчдийг хамруулсан. Амаржих газрын чанарын менежментийн хөгжил, ISO 9001 стандартын хэрэгжилтийг аналитик судалгааны агшингийн загвараар, чанарын менежментийн тогтолцооны загварыг чанарын судалгааны баримт бичгийн загвараар хийж гүйцэтгэсэн. Судалгаанд SERVQUAL арга байгууллагын менежментийн чадамжийн индексийг ашигласан ба статистик боловсруулалтыг SPSS
25.0 программ дээр гүйцэтгэсэн.
Үр дүн
Судалгаанд Өргөө амаржих газрын 220, Хүрээ амаржих газрын 125, Амгалан амаржих газрын 135 ажилтан хамрагдсан. Бид амаржих газруудын менежментийн чадамжийг судлахад Амгалан амаржих газрынх
90.31 хувь, Өргөө амаржих газрынх
71.76 хувь, Хүрээ амаржих газрынх
73.85 хувь ба р<
0.001, r=
0.89 байсан. Гурван амаржих газраас тус бүр 140, нийт 420 үйлчлүүлэгчээс амаржих газруудын үйлчилгээний чанарыг SERVQUAL загвараар судлахад төсөөлөл
89.4 хувь, бодит байдал
85.7 хувь, -
3.7 хувийн ялгаатай байдал гарсан нь үйлчилгээний чанар үйлчлүүлэгчдийн хүлээлтэд хүрэхгүй байсан юм. ISO 9001 чанарын менежментийн тогтолцоон дээр суурилан амаржих газруудын үндсэн үйл ажиллагаа, үйл ажиллагааны бүтэц, хэрэглэгчийн сэтгэл ханамжийн үнэлгээ, стратеги төлөвлөгөөнд тулгуурлан амаржих газруудын чанарын менежментийн тогтолцооны загварыг боловсруулав.
Дүгнэлт
Амаржих газрын үйл ажиллагааны онцлогт тохируулан чанарын менежментийн тогтолцооны загварыг эрүүл мэндийн болон ялангуяа жирэмсний тусламж, үйлчилгээ үзүүлэх байгууллагуудын үндсэн үйл ажиллагаанд олон улсын чанарын менежментийн тогтолцооны үйл явц, үр үр дүнд тулгуурлан Монгол улсын тогтвортой хөгжлийн зорилтод хүрэх зарчмыг баримтлан боловсрууллаа. Тус загварыг хэрэгжүүлснээр ижил төстэй үйл ажиллагаа явуулж буй эмнэлгүүд өөрийн аюулгүй баталгаат байдлыг нэмэгдүүлэх, менежментийн чадамжаа сайжруулах, ажилтан болон үйлчлүүлэгчийн сэтгэл ханамж дээшлэх боломж бүрдэнэ.
Зохиогч
Боловсролын доктор(PhD)
Бүтээлийн тоо : 35
Ишлэгдсэн тоо : 0
