Читосан суурьтай шингээгч материалын хүнд ба үнэт металлуудыг шингээх судалгаа
Салбар : Инженерийн ухаан, технологи , 2.11 Бусад инженерчлэл, технологи
Улсын дугаар : 4847
Хамгаалсан он : 2024
Түлхүүр үг : адбсорбент, хүнд металлын ион, композит материал, шингээлтийн багтаамж
Аннотаци
Монгол хэл дээр: Эх орны түүхий эд болох Өмнөговь аймгийн “Цогт-Овоо” сумын нутагт орших “Цогт-Овоо” ордын (44°25′21″N 105°19′17″E) шаврыг читосантай тодорхой харьцаагаар хольж, читосан бүхий полимер шингээгчийн хэрэглээний хязгаарлалтыг шийдэж чадсан читосон суурьтай, үрэл хэлбэрийн шинэ төрлийн композит материалыг гарган авах аргачлалыг боловсруулж, гарган авсан материалаар хүнд болон үнэт металлуудын ионыг усан орчноос шингээх боломжийг тогтоож, шингээлтийн механизмыг тайлбарласанд энэхүү судалгааны ажлын шинэлэг тал оршино.
Энэхүү ажлын хүрээнд гарган авсан читосан суурьтай композит материалыг ашиглан хүнд ба үнэт металлуудын ионыг шингээх процессыг практикт нэвтрүүлж, удирдаж хянахад зайлшгүй хэрэглэгдэх математик загварчлалын төлөвийн тэгшитгэлд шаардагдах термодинамик функц ба кинетикийн үзүүлэлтүүдийг тооцоолон гаргасан нь инженер, технологийн тооцоололд чухал ач холбогдолтой төдийгүй, судалгааны ажил нь уурхайн хаягдал ус, ахуйн болон үйлдвэрлэлийн хаягдлын асуудлыг шийдвэрлэхэд тодорхой хувь нэмэр оруулна гэж үзэж байна.
Зохиогч
Боловсролын доктор(PhD)
Бүтээлийн тоо : 5
Ишлэгдсэн тоо : 0
