Багш боловсролын хөтөлбөрөөр суралцагчдын сурах ачааллын судалгаа
Салбар : Нийгмийн шинжлэх ухаан , 5.9 Бусад нийгмийн шинжлэх ухаан
Улсын дугаар : 4894
Хамгаалсан он : 2024
Түлхүүр үг : оюутны ачаалал
Аннотаци
Энэхүү өгүүлэлд МУБИС-ийн зарим хөтөлбөрүүдээр суралцаж буй оюутнуудын суралцах ачаалал түүнийг хэрхэн оновчтой зохион байгуулах талаар асуудлыг хөндсөн. Оюутан төвтэй сургалтын хандлагын үед кредитийн зөв хуваарилалт, оюутны ачааллыг зохистой тодорхойлох асуудал маш чухал ач холбогдолтой. Тус судалгааны хүрээнд МУБИС-ийн нийгмийн ажилтан, монгол хэл-уран зохиолын багш, сургуулийн өмнөх боловсролын багш, математикийн багш хөтөлбөрөөр суралцаж буй I-IV курсийн оюутнууд, мөн тус хөтөлбөрийг хэрэгжүүлж буй 20 багшаас түүврийн аргаар сонгон судалгаандаа хамруулсан болно. Судалгаанд хамрагдсан оюутнуудын суралцах ачааллыг тодорхойлохдоо сургалтын хөтөлбөрт шинжилгээ хийсэн. Мөн Карьялайнений арга зүйг ашигласан. Судалгааны үр дүнд МУБИС-ийн оюутнуудын сургалтын ачааллын түвшин өндөр байгаа бөгөөд энэ нь оюутны сургалтын зохион байгуулалт, бие даан суралцах чадамж мөн багшийн зарим үйл ажиллагаатай хамааралтай байгаа нь тогтоогдсон болно.
Зохиогч
